बलिवुड अभिनेत्री दीपिका पादुकोण कोरोना संक्रमित
भारत, २२ वैशाख । बलिवुड अभिनेत्री दीपिका पादुकोण कोरोना संक्रमित भएकी छिन् । उनले आफ्नो ट्वीटर ह्याण्डलमा आफू कोरोना संक्रमित भएको जानकारी दिएकी छन् कोरोनाको दोस्रो लहरका कारण भारतका सबै क्षेत्रका मानिसहरु संक्रमणको चपेटामा आउन थालेका छन् ।
पछिल्लो समय बलिवुडका अधिकांश कलाकार, गायक, गायिका, संगितकार लगायतका मानिसहरु कोरोनाको चपेटामा आउन थालेका छन् । दीपिकाको बुबालाई केहि समय पहिले कोरोना संक्रमण देखिएको थियो ।
बुबालाई कोरोना देखिएपछि पिसिआर परीक्षण गर्दा उनमा पनि कोरोना संक्रमण देखिएको बताइएको छ । दीपिकासँगै उनकी आमा र बहिनीमा पनि कोरोना पोजेटिभ देखिएको छ । हाल उनी सबैजना बैंगलोरस्थित आफ्नै घरमा आइसोलेसनमा छन् ।
दीपिकाका पति एवं बलिवुड अभिनेता रणवीर सिंह भने हालसम्म स्वस्थ रहेको पनि बताइएको छ ।
यसअघि बलिवुड अभिनेता अक्षय कुमार, सोनु सुद, आलिया भट्ट, रणवीर कपुर, बप्पी लहरी, आदित्य नारायण झा, मलाइका अरोरा कोरोना संक्रमणको चपेटामा आइसकेका छन् ।
