सफलता बोगटीले गरिन नुवाकोट क्षेत्र न १ मा उम्मेदवारी घोषणा

काठमाडौ । स्वतन्त्र तथा वैकल्पिक शक्तिको लौरो अभियानबाट नुवाकोट १ बाट प्रतिनिधि सभा सदस्य पदमा सफलता बोगटीले उम्मेद्वारी घोषणा गरेकी छिन्।   

नुवाकोटवासी आदरणीय सबै जनामा म सफलता बोगटीको हार्दीक नमस्कार ।
मैले आगामी मंसीर ४ गते आइतवारका दिने हुने निर्वाचनमा नुवाकोट क्षेत्र न : १ वाट प्रतिनिधि सभा सदस्य पदका लागि उम्मेद्दारी दिने आम घोषणा गरेकी छु । म लिखु गाऊपालिका वडा न : ६ भट्टथोक नुवाकोटकी रैथाने बासिन्दा हुँ ।

kaushal english

प्रत्येक ५÷५ वर्षमा हुने आवाद्यिक निर्वाचनको सिधा अर्थ के हो भने यदि तपाइले जिताउनु भएका अगाडीका जनप्रतिनिधिहरुले तपाइले सोचे जस्तो खोजे जस्तो रोजे जस्तो चिताए जस्तो नुवाकोटको विकास गर्नु भएको छैन भने र अवको चुनावमा निर्वाचीत गराएको जनप्रतिनिधि र तपाइ हामी सबै मिलेर नामी नुवाकोट, दामी नुवाकोट, हाम्रो नुवाकोट, राम्रो नुवाकोट वनाउनु पर्छ भन्ने लाग्छ भने तपाइहरुसंगै हुर्केको, नुवाकोटको सामाजिक राजनैतिक धार्मिक समावेशिता कृषि महिला बालबालिका शिक्षा स्वास्थ्य रोजगार सुरक्षा आर्थिक सबै कुराहरुलाइ बुझेको र अवका दिनहरुमा सामाजिक न्याय आर्थिक समानता र व्याक्तिगत स्वातन्त्रताका लागि काम गर्न सक्ने प्रतिनिधिलाइ जिताउन भनेर ५÷५ वर्षमा चुनाव गराउने चलन आएको हो ।

नुवाकोटको विकासका लागि आज सम्म जसजसले जे जे गरे यसमा मेरो कसैसंग कुनै गुनासो र गाली छैन । किनभने एउटा विकसित आधुनिक औद्योगिक र लोकतान्त्रीक नुवाकोट कसरी बनाउन सकिन्छ भनेर न त हामी नुवाकोटकासीहरुले सिक्न खोज्यौ न त हामीलाइ हाम्रा अग्रज नेतृत्वहरुले नै सिकाउनु भयो । किन सिकाउनु भएन भने उहाँहरुले विकसित नुवाकोट बनाउन चाहानु भएन जान्नु भएन र सक्नु भएन । अबको ५ वर्ष पछिको नुवाकोट, १० वर्ष पछिको नुवाकोट, १५ वर्ष पछिको नुवाकोट कस्तो हुन्छ र कसरी बनाउन सकिन्छ भन्ने मास्टर प्लान बोकेका नुवाकोटमा छोरा र छोरीहरु अवतार लिइ सकेका छन ।
हामी नुवाकोटबासीका साझा शत्रुहरु भनेका अझै पनि हाम्रो समाजमा जरा गाडेर बसेका रोग भोक गरिबि अज्ञानता अन्धविश्वास अशिक्षा पछौटेपना महिला बेचविखन अमानवियकरण वातावरण विनास अन्याय अत्याचार शोषण दमन भ्रष्टाचारहरु नै मुख्य छन । यी सबै समस्याहरुबाट हाम्रो नुवाकोटलाइ मुक्त गर्दै एउटा अति नै उन्नतीशिल प्रगतीशिल सम्मृद्ध सक्षम गतिशिल नुवाकोट बनाउनु हामी सबै नुवाकोटबासीहरुको सामुहिक उत्तरदायित्व जवाफदेहिता कर्तत्य र अधिकार बनेकोछ । हामीलाइ यस संसारमा जन्म लिन पनि नुवाकोट जिल्लाले नै भिषा दिएको हो ।

अवका दिनहरुमा नेपालले कसरी मौलिक र अर्गानीक रुपमा विकास गर्न सक्छ भन्ने नमुना विकास मोडेल म नुवाकोटलाइ बनाउन चाहान्छु । नुवाकोटको विकास मोडेल संयुक्त राष्ट्रसंघ र सबै देशहरुले नक्कल गर्न लायकको बनाउने छु । यसका लागि मैले विगत २ वर्ष देखि नेपालको संसद, सरकार, स्थानीय तहहरु, सरकारका नीति र कार्यक्रमहरु, बजेट वियोजन प्रकृया आदिका बारेमा विशेष अध्यान अनुसन्धान गरेर मात्र नुवाकोट बनाउन सकिन्छ भन्ने सैद्धान्तिक र व्यावहारीक निष्कर्समा पुगेकी हुँ । मैले नुवाकोटको विकासका लागि हाललाइ ५ वटा घोषणा वा कार्यपत्रहरु तयारी गरेकी छु । यी कार्यपत्रहरुलाइ आधार मानेर हामी सबै जनाले नुवाकोटको विकास किन भएन, कसले गरेन, किन गरेन भन्दा पनि कसरी गर्न सकिन्छ भन्ने बारेमा प्रष्ट पारेकी छु । अबका दिनहरुमा नुवकाकोटका दिदि बहिनीका हातवाट म हसिया खुर्पा र कोदालाहरु खोस्छु, टाउकाबाट नाम्लो खोस्छु, ढाडबाट मलका घाँसका दाउराका डोकोहरु खोस्छु । नुवाकोटलाइ म सबै क्षेत्रमा विज्ञान प्रविधि मैत्री बनाउदछु । यस्ता कामहरु हामी सबै जना मिलेर आजै अहिले नै शुरु गर्नुपर्छ । देशको विकास गर्ने हो भने त्यस देशका नागरिकहरुको मानसिक शारिरीक र सामाजिक अवस्था उच्च स्तरको बनाउनु पर्छ । त्यसपछि त नागरिकहरु आफैले देउताहरु नै छक्क पर्ने खालको विकास गर्छन । नुवाकोटको विकास नुवाकोटबासीहरुको जन्मसिद्ध अधिकार हो । जसले यसलाइ रोक्छ ऊ नुवाकोटको धन्धुकारी हो ।

विकास गर्न जननिर्वाचित प्रतिनिधि बन्नु पर्छ । नत्र भने साधन श्रोतहरुको परीचालन गर्न सकिन्दैन । चिच्चाएर र कराएर मात्र विकास हुदैन । त्यसैले मलाइ नुवाकोटको विकास गर्ने लाइसेन्स दिन वा निर्वाचित गराइ दिनु हुन नुवाकोटवासी आमाबुबा दाजुभाइ दिदि बहिनी सबै जनामा अनुरोध गर्दछु । मैले हाललाइ स्वातन्त्रहरुको अभियान अन्तरगत लौरो चिन्हवाट चुनावमा भाग लिने सन्तुलित निर्णय गरेकी छु । म चुनाव प्रचारमा आउदा तपाइहरुसंग भेट गर्न व्याग्ररुपमा हतारमा छु । ममेरा नुवाकोटका प्यारा भाइ बहिनीहरुलाइ के भन्छु भने : हामी सबै जना युवाहरु नव युवाहरुका लागि आशा र सपनाका प्रतिक बनौ ।

फेस बुक आइडी : https://www.facebook.com/sucessfulbogati