केपी ओलीबाट मध्यावधि निर्वाचनको अभिब्यक्ति आउनु दुर्भाग्यपूर्ण :लोहनी
काठमाडौं । नेकपा (एकीकृत समाजवादी) का पोलिटब्युरो सदस्य तथा नुवाकोटका पूर्वसांसद राजेन्द्रप्रकाश लोहनीले प्रतिनिधिसभा र प्रदेशसभा निर्वाचन सकिएर सांसदहरुले शपथग्रहण सक्नासाथ एमाले अध्यक्ष केपी शर्मा ओलीले मध्यावधि निर्वाचनको अभिव्यक्ति दिनु दुर्भाग्यपूर्ण भएको टिप्पणी गर्नुभएको छ ।
शनिबार सामाजिक सञ्जालमा टिप्पणी गर्नुहुँदै लोहनीले एमाले जस्तो पार्टीका अध्यक्षबाट मध्यावधि चुनावको अभिव्यक्ति आउनु गैरजिम्मेवारी भएको बताउनुभएको हो । ‘निर्वाचन सकिएर माननीय सदस्यज्यूहरु को शपथग्रहण सकिएको मात्र छैन, एमालेजस्तो पार्टीको अध्यक्ष कमरेड केपी ओलीज्यूबाट मध्यावधि निर्वाचनको अभिव्यक्ति आउनु किमार्थ जिम्मेवारपूर्ण मान्न सकिँदैन !’ उहाँले लेख्नुभएको छ ।
