जेठको तेस्रो साता एसईई र अन्तिम साता कक्षा १२ को परीक्षा लिने तयारीमा राष्ट्रिय परीक्षा बोर्ड
फागुन १२, काठमाडौं । आगामी जेठको तेस्रो साता एसईई र अन्तिम साता कक्षा १२ को परीक्षा लिन राष्ट्रिय परीक्षा बोर्डले तयारी सुरु गरेको छ ।
करिब एक साताको फरक राखेर कक्षा १० र कक्षा १२ को अन्तिम परीक्षा लिने राष्ट्रिय परीक्षा बोर्डले जानकारी दिएको छ। परीक्षाको अन्तिम तयारी भइरहेको र चैत महिना भित्र परीक्षाको कार्यतालिकाबारे औपचारिक निर्णय गरिने राष्ट्रिय परीक्षा बोर्डका उपाध्यक्ष प्रध्यापक डाक्टर चन्द्रमणी पौडेलले बताए ।
विगतको शैक्षिक सत्रहरुमा चैतमा एसईई र बैशाखमा कक्षा १२ को अन्तिम परीक्षा सन्चालन हुनेगरेको भएता पनि यस बर्ष कोरोना भाईरसको महामारीका कारण शैक्षिक संस्था ढिला खुलेकाले परीक्षा पनि पर धकेलिएको हो ।
हाल एसईई दिने देशभरका विद्यार्थीहरुको रजिस्ट्रेसन फारम भर्ने काम सकिएको बोर्डले बताएको छ ।
