आज मिति २०७७ चैत २३ गतेको राशिफल
आजको पंचांग
२०७७ साल चैत्र २३ गते सोमबार
१९४२ शंक सम्वत, ११४१ ने.सं.
प्रमादी नाम संवत्सर उत्तरायण वसन्त ऋतु:
चैत्र कृष्ण पक्ष अष्टमी बिहान ७:३६ बजेसम्म
नक्षत्र- पूर्व षाढा बिहान ६:३३ बजे सम्म त्यसपछि उत्तर षाढा
योग-शिव बेलुका ०५:०४ बजेसम्म
करण-तैतिल दिउसो २:५० बजेसम्म
चन्द्रमा- धनु राशि दिउसो १२:२०बजेसम्म त्यसपछि मकर
तदनुसार अप्रिल ५ २०२१
आजको राशिफल
मेष:-नया काम सुरु गर्ने समय छ । रमाइलो संग दिन ब्यतित होला। स्वादिष्ट भोजनको आनन्द पाइएला । पशुपालन तथा कृषि क्षेत्रबाट राम्रो लाभ मिल्ने योग छ । पढाइलेखाइमा प्रगति हुनेछ ।
वृष:-समय राम्रो छ।कतैबाट आर्थिक लाभ हुने समय छ। सजग भने रहनु होला काम बिगार्ने हरु पनि वरिपरि नै हुनेछन। आटेका र अधुरा काम सम्पन्न हुने योग छ। आर्थिक लाभ पनि होला ।
मिथुन:-पारिवारिक समस्याले केही संकट आइलाग्न सक्छ । दाम्पत्य सम्बन्धमा पनि केही असमझदारी बढ्न सक्छ । मेहनतले जीवनशैलीमा परिवर्तन ल्याउन सक्छ । । काममा मन नलग्ने र खर्चको मात्रा बढ्ने देखिन्छ। व्यवसायमा लगानी बढाउनुपर्ने समय छ ।
कर्कट:-आज भाग्योदयको समय रहेको छ। आफुले गरेको काममा सफलता प्राप्त हुनेछ भने अरुले गरेको कामको मुल्याङ्कन गर्नुपर्ने छ । आयआर्जन सन्तोष जनक रहनेछ । शुभेच्छुक र प्रशंसकहरू पनि बढ्नेछन् ।
सिंह:-व्यापारव्यावसायमा फाइदा मिल्नेछ। सहयोगीहरूले धोका दिनाले केही समस्या थपिने देखिन्छ । रोकिएको काम सफल हुनाले पराक्रम र उत्साह बढ्नेछ। पढाईम राम्रो हुनेछ भने चिताएको काम समेत सम्पादन हुनेछ।
कन्या:-पठनपाठनमा समय दिन नसकिएला । आजको दिन प्रयास गरे काममा लाभ मिल्नेछ । प्रयत्न गरेको काममा सफलता प्राप्त गर्न धेरै मेहनत गर्नुपर्ने छ। साथीभाइहरु बाट सहयोग मिल्नाले केही सहज हुनेछ।
तुला:-सत्बिचारले धेरैलाई आकर्षण गर्ने छ । शुभेच्छुकहरु बढ्नेछन्। आत्मीयजनले काममा साथ दिनेछन् । अधुरो काम पूरा हुनसक्छ । सुन्दर पहिरनले व्यक्तित्व निखार्दै नयाँ काम गर्ने अवसर प्राप्त हुनेछ । रमाइलो जमघटको अवसर पनि प्राप्त हुने देखिन्छ ।
वृश्चिक:-समय तेति राम्रो छैन। प्राप्त अवसरको सदुपयोग नहुनाले अलि दुःख पाइएला । खानपिनमा सजक रहनु होला । भौतिक सुख सुबिधामा मन अल्झिनाले लक्ष्य प्राप्त गर्न नसकिएला । आर्थिक भार धेरै नै बढ्ने छ ।
धनु:-असमझदारीले परिवारमा कलह बढ्न सक्छ । धनको उपयोगबाट सामान्य लाभ उठाउन सकिनेछ । शरीरमा जोश जांगर आउनेछ । मेहनतले सम्मान र सफलता दिलाउनेछ। धन आर्जन हुनाले मन हर्षित होला ।
मकर:-दुर्जनको संगतमा पर्नाले चोरी वा ठगीमा परिने समय छ । कारोबार गर्दा धेरै नै सावधान रहनुहोला । सामाजिक क्षेत्रमा मन जानेछ। चौतर्फी कामको प्रशंसा हुनेछ । भूमि र पैत्रिक सम्पत्तिको उपयोगबाट प्रशस्त लाभ होला ।
कुम्भ:-गुरुजनको आशिर्वाद र बुद्धिको उपयोगले लक्ष्यमा पुग्न सफल भइनेछ । प्रतिस्पर्धीहरु आफै पाखा लाग्नेछन । धन सम्पत्ति मा बढोत्तरी हुनेछ । न्यायिक, कानुनी वा प्रतियोगितात्मक क्रियाकलापमा विजय प्राप्त हुनेछ । विभिन्न उपहार प्राप्त हुने समय छ ।
मीन:-आफुले गरेको काममा पनि विभिन्न समस्या आउन सक्छन् । लामो यात्राको योग छ । नसोचेको स्थानबाट धन आर्जन हुनेछ । स्वास्थमा केहि समस्या देखिन सक्छ।
९८४०६१०२३९
