तारकेश्वरमा नेकपा (माओवादी केन्द्र) का नेता राजाराम तिमिल्सिना नेपाली कांग्रेसमा प्रवेश
तारकेश्वर ५, चैत । काठमाडौं तारकेश्वर नगरपालिकाको नेपाल कम्युनिष्ट पार्टी ( माओबादी केन्द्र ) का सक्रिय नेता राजाराम तिमिल्सिना नेपाली कांग्रेसमा प्रवेश गरेका छन् ।
नेकपा (माओवादी केन्द्र) को स्थापना कालदेखी पार्टीमा निरन्तर रुपमा लागेर आफ्नो जिवनको महत्वपूर्ण समय जेलमा समेत बिताएका तिमिल्सिना तारकेश्वर नगरपालिकाको स्थानिय पार्टी कमिटीको ईन्चार्ज देखि काठमाडौं जिल्ला सदस्यसम्म भएका थिए।
नेपाली काँग्रेसका नेता तथा पूर्व रक्षामन्त्री माननीय भीमसेनदास प्रधानले टीका लगाएर तिमिल्सिनालाई नेपाली काँग्रेस प्रवेश गराएका हुन् ।
नेपाली काँग्रेस तारकेश्वर नगरपालिका वडा नं १ कार्य समितिको आयोजनामा भएको शुभकामना आदान-प्रदान तथा चियापान कार्यक्रममा तिमिल्सिना सँगै सुर्य बहादुर तामाङ्ग पनि नेपाली काँग्रेसमा प्रवेश गर्नु गरेका थिए ।
कार्यक्रममा नेपाली काँग्रेस काठमाडौं क्षेत्र नं ६ का सभापति श्यामकृण्ण खड्गी, प्रदेशसभा निर्वाचन क्षेत्र नं ६ (ख) का सभापति चन्द्रराज न्यौपाने , तारकेश्वर नगर सभापति राम थापा लगायतका नेपाली कांग्रेसका केन्द्रीय नेतादेखि स्थानीय नेता कार्यकर्ताको उपस्थिति रहेको थियो ।
नेपाली कांग्रेस तारकेश्वर नगरपालिका वडा नं १ का सभापति अम्बर बहादुर तामाङ्गको सभापतित्वमा कार्यक्रम सम्पन्न भएको नेपाली कांग्रेस काठमाडौं निर्वाचन क्षेत्र नं ६ का नेता एवं समाजसेवी विष्णुभक्त तिमिल्सिनाले तारकेश्वर अनलाईनलाई जानकारी दिए ।
