तारकेश्वरमा एकैदिन थपिए २१ जना कोरोना संक्रमित
काठमाडौं, भदौ १७ । तारकेश्वर नगरपालिकामा एकैदिन २१ जना कोरोना संक्रमित थपिएका छन्। वडा १ साङ्ला र ५ गोलढुंगा बाहेक सबै वडामा कोरोनाको संक्रमितको संख्या थपिएको नगरको स्वास्थ्य शाखाले जानकारी दिएको छ ।
नगरको स्वास्थ्य शाखाले उपलब्ध गराएको तथ्यांकअनुसार वडा २ काभ्रेस्थलीमा १, ३ जितपुरफेदीमा ५, गोलढुंगा ४ मा ६, मनमैजु ८ मा ५, मनमैजु ९ मा १, मनमैजु १० मा २ र नेपालटार ११ मा १ जन गरी २१ जना बुधबार थपिएका छन्।
सो तथ्यांकअनुसार पालिकामा कोरोनाको संख्या १ सय ३६ पुगेको छ। हालसम्म २८ जना संक्रमित निको भएका छन् । सक्रिय संक्रमितको संख्या १ सय ७ पुगेको छ।
हालसम्म नगरका ६ सय ४१ जनाको पीसीआर परीक्षण गरिएको छ भने ४४ जनाको कन्ट्याक ट्रेसिङगर्दा पोजेटिभ देखिएको पालिकाले बताएको छ।
त्यसमध्ये वडा ११ को एकजना कोरोना संक्रमित पुरूषको गतसाता किष्ट अस्पतालमा मृत्यु भएको छ।
१७ भाद्र २०७७, बुधबार
