तारकेश्वर-५ मा रक्तदान सम्पन्न, ५२ जना सहभागी
तारकेश्वर, २१ भदौ । तारकेश्वर नगरपालिका वडा नं ५ को बोहोराटारमा रक्तदान कार्यक्रम सम्पन्न भएको छ ।
देशैभर रगतको अजभा भइरहेका बेला लायन्स क्लब अफ काठमाडौं मिलन,खड्रिमल्याड आभार युथ क्लब, प्याराडाइज, किवानिज क्लब अफ बागमती नेपाल लगायतको संयुक्त आयोजनामा कार्यक्रम आयोजना गरिएको हो । आपतकालिन रक्तदान कार्यक्रम नाम दिइएको सो अवसरमा ५२ जनाले रक्तदान गरेका छन् ।
कोभिड १९ ले गर्दा रगत अभाव भईरहेक बेला आयोजना भएको रक्तदान कार्यक्रममा तारकेश्वर नगरपालिकाकी उपमेयर भवानी डोटेल धितालले पनि रक्तदान गरिन् । तारकेश्वर अनलाइनसगँ कुरा गर्दै उनले आफुले दोस्रोपटक रक्तदान गरेकोे अनुभव सुनाइन् । सो अवसरमा लायन्स क्लबले रक्तदान बाहेकपनि विभिन्न सामाजिक कार्यक्रम गर्दै आईरहेको लायन्स क्लब ३२५ बि -१ का डेपुटी चिफ एडभाईजर शिवराम फुयालले बताए।
