अनेरास्ववियु नुवाकोटको रक्तदान कार्यक्रम सम्पन्न

• तारकेश्वर अनलाईन डेस्क
• ८ फाल्गुन २०७७, शनिबार

नुवाकोट फागुन,८ । अनेरास्ववियु नुवाकोटको आयोजनामा शनिबार नुवाकोटमा वृहत रक्तदान कार्यक्रम सम्पन्न भएको छ।

नेपाल कम्युनिष्ट पार्टी नेकपा वाग्मती प्रदेश सचेतक तथा केन्द्रीय सदस्य केशव पाण्डेको प्रमुख आतिथ्यतामा सम्पन्न भएको कार्यक्रममा , नेकपा केन्द्रीय सदस्य विन्दा ढुंगाना लगायतका केन्द्रीय तहका नेता तथा अनेरास्ववियु जिल्ला कमिटी नुवाकोटका विद्यार्थी नेताहरूको बाक्लो उपस्थिति रहेको थियो।

कार्यक्रममा ६३ जनाले रक्तदान गरेका थिए भने २० जना भन्दा बढी मानिसहरुले रगत राख्ने blood bag को अभावका कारण रक्तदान गर्न नपाइ फर्किएका थिए।

अनेरास्ववियु नुवाकोट कमिटीले शनिबार गरेको रक्तदान कार्यक्रममा शुक्रबारको कार्यक्रमको भन्दा बढी विद्यार्थीहरुको सहभागिता देखिएको थियो।