हेटौंडामा ट्रकको ठक्करबाट सवारी चालकको मृत्यु
मकवानपुर फागुन,१३। हेटौंडा उपमहानगरपालिका–११ नवलपुरमा विहिबार विहान ट्रकले ठक्कर दिँदा एक रिक्सा चालकको मृत्यु भएको छ।
मृत्यु हुनेमा हेटौंडा उपमहानगरपालिका–११ बस्ने ३६ बर्षिय खेमलाल श्रेष्ठ रहेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्र बहादुर रानाले जानकारी दिए।
रानाका अनुसार विहिबार विहान मनहरी बाट हेटौंडा तर्फ आउँदै गरेको ना ६ ख ४०४४ नम्बरको ट्रकले विपरीत दिशा तर्फ जाँदै गरेको ना १ ह ३४०८ नम्बरको रिक्सालाई ठक्कर दिँदा रिक्सा चालक गम्भीर घाइते भएका थिए।
घाईते चालकलाई चुरेहिल अस्पताल लगिएको थियो । अस्पताल पुर्याएपछि चिकित्सकले श्रेष्ठलाई मृत घोषणा गरेको हो ।
मकवानपुर प्रहरीका अनुसार मृतक श्रेष्ठको शव हाल चुरेहिल अस्पतालमा रहेको र परीक्षणका लागि हेटौँडा अस्पताल लैजाने तयारी भइरहेको छ ।
