नुवाकोट र रसुवामा टेलिफोन र इन्टरनेट अवरुद्ध, फाइबरमा समस्या
नुवाकोट ४, चैत । नुवाकोट र रसुवामा बुधबार टेलिफोन र मोबाइल नेटवर्कमा समस्या देखिएको छ । बुधबार विहानदेखि मोबाइलमा नेटवर्क नआएकोले टेलिफोन सेवा नै अवरुद्ध हुन पुगेको हो । नुवाकोट र रसुवा दुवै जिल्लामा नेटवर्कको तथा टेलिफोनको एउटै लाईन रहेको छ । गल्छि देबिघाट एरियामा अप्टिकल ब्रेकको समस्याले नेटवर्कमा प्रभाव परेको बताइएको छ । आज सेवा सन्चालन हुने सम्भावना निकै कम भएको नेपाल टेलिकम, नुवाकोटका सुचना अधिकृत पुष्पराज लोहनीले जानकारी दिए ।
