नदीमा ट्रक खस्दा ६ जनाको मृत्यु ,२ गम्भिर घाइते
तारकेश्वर ८, चैत्र । लमजुङ –बेँसीशहर–चोम सडक खण्डको नासो गाउँपालिका वडा नं ३ स्थित खोत्रोमा ट्रक खस्दा छ जनाको मृत्यु भएको छ ।
लमजुङ बेँसीशहरबाट मनाङ जाँदै गरेको ध १ ख ५९२ नम्बरको ट्रक शनिबार लमजुङ –बेँसीशहर–चोम सडकखण्डबाट ५० मिटर तल मस्र्याङ्दी नदीमा खस्दा छ जनाको मृत्यु भएको प्रहरीले जानकारी दिएको छ ।
प्रहरीका अनुसार ३ जनाको घटनास्थलमै मृत्यु भएको हो । दुर्घटनामा परी मृत्यु हुनेमा मनाङ नासो गाउँपालिका वडा नं ४ का ३५ वर्षीया मनिषा गुरुङ, सोही वडाका ३६ वर्षीय जलकाशी गुरुङ र सात वर्षीया लिउन गुरुङ रहेको प्रहरीले जानकारी दिएको छ ।
त्यस्तै मनाङस्थित चामे गाउँपालिका वडा नं ४ का २८ वर्षीया धनमान विक र लमजुङ मस्र्याङ्दी गाउँपालिका वडा नं ५ घेर्मुका २१ वर्षीय लक्ष्मण नेपालीको लमजुङ बेँसीशहर नगरपालिका –८ मा रहेको जिल्ला अस्पतालमा उपचारका क्रममा शनिबार राति मृत्यु भएको हो ।
त्यस्तै उपचारका लागि चितवनको पुरानो मेडिकल कलेज भरतपुर लगिएका तीनमध्ये नासो(१ का तीन वर्षीय थियोन गुरुङको शनिबार राति उपचारका क्रममा मृत्यु भएको प्रहरीले बताएको छ ।
ट्रक चालक तनहुँको भानु नगरपालिका –३ का २४ वर्षीय सुमन तामाङ र नासो(३ धारापानीका सात वर्षीय मेल गुरुङको उपचार भइरहेको र अवस्था जटिल रहेको प्रहरीकि भनाई रहेको छ
