काभ्रेस्थलीको अधिकारी टोलमा पहिरो, दुईघर जोखिममा, सडक अवरुद्ध
तारकेश्वर, ९ भदौ । तारकेश्वर नगरपालिका वडा नं २ काभ्रेस्थलीको अधिकारी टोलमा मंगलबार दिउसो पहिरो जाँदा दुईघर जोखिममा पर्नुका साथै स्थानीय मार्गहरु अवरुद्ध भएका छन् ।
साविक काभ्रेस्थली गाविस वडा नं ३ को ज्ञानोदय आधारभुत विद्यालय नजिक रहेको केशब प्रसाद अधिकारी र टेकनाथ अधिकारीको घर आडैमा पहिरो जाँदा ती घरहरु अति जोखिममा परको छन् । मंगलबार दिउसा १ बजे गएको पहिरोका कारण तारकेश्वर मन्दिर जाने अति छोटो पदमार्गको रूपमा रहेको दलकापचोक र ज्ञानोदय स्कुल हुँदै दलकाप गाउँमा आवतजावत गर्ने मुलबाटोमा सवारी र आवागमन अवरुद्ध भएको छ । त्यस्तै सो बाटोको सहायक बाटो रातमाटे बस्ती जाने बाटोमा समेत क्षति भएको वडा नं २ का अध्यक्ष रवीन्द्र केसीले तारकेश्वर अनलाईनलाई जानकारी दिए । सो सडकखण्डमा हाल कुनैपनि सवारीसाधन आवतजावत गर्नसक्ने अवस्था छैन ।
सो क्षेत्रमा पहिरो गएसँगै मंगलबार नै वडा नं २ का अध्यक्ष केसीका साथै नगर उपप्रमुख भवानी डोटेल धिताल, विपद व्यवस्थापन शाखा प्रमुख राजन फुयाँलका साथै सब इञ्जिनीयर पंख शाही, वडा सदस्य अर्जुन भण्डारी ,सञ्जय ढकाल लगायत पुगेर घटनाको जानकारी लिएका छन् ।
