तारकेश्वर नगरमा कोराेना संक्रमितको सङ्ख्या १८१ पुग्यो
काठमाडौं, भदौ २०तारकेश्वर नगरपालिकामा शनिबारसम्म कोरोना संक्रमितको संख्या १ सय ८१ पुगेको छ। नगरको स्वास्थ्य शाखाले दिएको जानकारी दिएअनुसार उक्त संख्या नगरको सबै वडामा फैलिएको छ।
सबैभन्दा बढी मनमैजु–१० मा ५४ जना र सबैभन्दा कम फुटुङ–७ मा १ जनामा कोरोना फैलिएको छ।
त्यस्तै, नेपालटार–११ मा २५, मनमैजु–८ मा २३, गोलढुंगा–४ मा २४, गोलढुंगा–५ मा १७, मनमैजु–९ मा १२, काभ्रेस्थली–२ मा १०, जितपुरफेदी–३ मा ७, साङ्ला–१ मा ६ र धर्मस्थली–६ मा २ जनामा कोरोना संक्रमण फैलिएको स्वास्थ्य शाखाले जानकारी दिएको छ।
शाखाले दिएको जानकारी अनुसार तारकेश्वर नगरपालिकामा हालसम्म ३५ जना संक्रमित निको भएका छन् । सक्रिय संक्रमितको संख्या १ सय ४५ पुगेको छ। हालसम्म नगरका ७ सय ६१ जनाको पीसीआर परीक्षण गरिएको छ भने ६७ जनाको कन्ट्याक ट्रेसिङ गर्दा पोजेटिभ देखिएको शाखाले जानकारी दिएको छ।
