तारकेश्वरको वडा नं १० मा जेष्ठ नागरिकहरुलाई न्यानो कपडा वितरण हुने
तारकेश्वर माघ १८। तारकेश्वर नगरपालिका वडा नं १० ले जेष्ठ नागरिकहरुलाई न्यानो कपडा वितरण गर्ने भएको छ।
तारकेश्वर नगरपालिका वडा नं १० मा स्थायी बसोबास गर्ने ७० बर्ष माथि उमेर समुहका जेष्ठ नागरिकहरुलाई न्यानो कपडा वितरण गर्ने कार्यक्रम रहेको बताइएको छ। 
तारकेश्वर नगरपालिका महिला बालबालिका तथा समाजकल्याण शाखाको आयोजनामा हुन लागेको कार्यक्रममा वडा नं १० का ९६ जना जेष्ठ नागरिकहरूलाई न्यानो कपडा वितरण गर्ने कार्यक्रम रहेको छ। तारकेश्वर नगरपालिका प्रमुख रामेश्वर बोहराको प्रमुख आतिथ्यतामा माघ २३ गते विहान ११ बजे बाट तारकेश्वर नगरपालिका वडा नं १० को वडा कार्यालय मनमैजुमा न्यानो कपडा वितरण कार्यक्रम हुने बताइएको छ। साथै वडाले न्यानो कपडा पाउने जेष्ठ नागरिकहरुको नाम समेत प्रकाशित गरिसकेको छ
