टोखा नगर प्रमुख प्रकाश अधिकारीले सुरु गरे मेयर उज्यालो कार्यक्रम

• दिवस ढकाल
• ७ बैशाख २०७८, मंगलवार

तारकेश्वर ७, वैशाख । टोखा नगरपालिकामा मेयर उज्यालो कार्यक्रमको नगरप्रमुख प्रकाश अधिकारीले हिजो सोमबार साँझ एक औपचारिक कार्यक्रममा बत्तीको स्विच अन गरी टोखा ७ मा सडक बत्तिको उद्घाटन गर्नुभएको छ ।

टोखा नगरपालिकाले आफ्नो गौरवको योजना अन्तर्गतको मेयर उज्यालो कार्यक्रमको सफलता पुर्वक सुरु गरे गरेको हो ।

नगरभित्रका सबै स्थानमा एकैपटक मेयर उज्यालो कार्यक्रम मार्फत् मुल सडकमा बत्ति बाल्ने कार्यक्रम टोखा नगरपालिकाले विगत १ वर्षदेखि मेयर उज्यालो कार्यक्रमलाई आफ्नो गौरवको योजनामा राखेको थियो ।

टोखा नगरपालिकाले हाल आफ्ना मुल मुल सडकहरुमा यसै वर्षभित्र बत्ति राखी सम्पन्न गर्ने योजनाका साथ निरन्तर लागिरहेको बताएको छ।

कार्यक्रममा टोखा नगर प्रमुख प्रकाश अधिकारीले ‘ मेयर उज्यालो कार्यक्रम’ सँगै मेयर सुरक्षा कार्यक्रम पनि टोखा नगरपालिकाको योजना रहेको बताउदै ‘ मेयर सुरक्षा कार्यक्रम’ अन्तर्गत मुख्य सडक, खोलाका किनार र चोरी लाग्ने स्थानहरुमा नगरपालिकाले सिसि क्यामेरा जडान कार्यलाई पनि प्राथमिकता दिएको ढल, खानेपानी र सडक कालोपत्रे भइसकेको स्थानमा सडक बत्ती र सिसि क्यामेरा राख्दै अघि बढ्ने नगरपालिकाको योजना रहेको टोखा नगर प्रमुख प्रकाश अधिकारीले बताए ।